Kuch baatein lafzon tak pahunch jaati hain, aur kuch dil mein hi reh jaati hain.
Kabhi darr ki wajah se, kabhi waqt ki wajah se, aur kabhi isliye kyunki kuch ehsaas bayan karne se zyada mehsoos karne ke liye hote hain.
Ye panne unhi adhure alfaazon aur ankahi baaton ke naam hain jo kabhi zubaan tak nahi pahunch paayi.
Pehle din dhalne ka intezar nahi hota tha,
Ab shaam hote hi tum yaad aane lage.
Na jaane kya badla tere aane ke baad,
Ab chaand mein bhi tum nazar aane lage.
Likhte hai jiske liye
Likhte hai jiske liye,
Wo padta bhi nahi,
Pukarta hai dil,
Pa wo sunta bhi nahi,
Samajh gaye hai sab,
Bus ek wo hai ki samjhta bhi nahi.
Jo Bhi Hai Dil Mein
Jo bhi hai dil mein,
Bol bhi diya karo,
Ishq ho ya jang,
Khul ke kiya karo,
Arre faaslon mein kya rakha hai,
Yaad aaye to kabhi mil bhi liya karo.
Maine Poocha is Dil Se…
Maine poocha is dil se,
Bata tu chahta kya hai,
Ye muskura ke bola,
Bas ek tera saath chahiye,
Duniya ki khwahish kam hai,
Tera aitbaar chahiye.
Roz Yaad Karte Hai…
Roz yaad karte hai,
Teri baaton ko,
Jaise koi purani kitaab,
Sambhaal ke rakhta hai,
Har panna khola nahi jaata,
Par bhulaya bhi nahi jaata.
Dil Ke Kalam Se…
Dil ki kalam se,
Jo maine pyar ke kagaj pe likha hai,
Har alfaaz mein tera zikr,
Aur tera hi naam likha hai,
Log ise shayari samajhte hain,
Maine to apna dil likha hai.
Fikrr Hai Mujhe Uski…
Main jiska zikkr karta hoon,
Wo meri fikkr bhi nahi karta,
Fikrr hai mujhe phir bhi uski,
Isliye bus fariyad mein uska,
zikkr nahi karta.,
Zubaan Tak Aate Aate…
Tere gile baalon se tapakta paani,
Mathe se to phisal jata hai,
Par labon ke aas paas thehar jata hai,
Bas kuch aisa hi haal-e-dil mera hai
Jo bayan to karna chahta hai,
Par zubaan tak aate aate thehar jata hai.
Kuch baatein dil mein reh jaati hain. Shayad isliye nahi ki unhe kehna mushkil hota hai, balki isliye ki kuch ehsaas lafzon se bade hote hain. Kabhi waqt saath nahi deta, kabhi himmat. Aur kabhi samne wala hi nahi samajh pata. Phir bhi dil un baaton ko sambhal ke rakhta hai, bilkul kisi purani diary ke panne ki tarah…
