Waqt guzar jaata hai, lekin kuch lamhe dil ke kisi kone mein thehar jaate hain. Kuch galiyan, kuch baatein, kuch chehre aur kuch adhuri kahaniyan… sab yaadon ka hissa ban jaati hain. Hum aage badh jaate hain, lekin kabhi kabhi dil mud kar unhi guzre hue lamhon ko phir se jeene ki koshish karta hai. Ye panne unhi beete lamhon ke naam hain jo laut kar to nahi aate, par yaadon se kabhi jaate bhi nahi.
Dobara
Na lautenge teri gali mein,
Ye kasam kha ke bhi laut aata hoon,
Na jane kya kho chuka hoon teri gali mein,
Jo dhundne dobara laut aata hoon.
Baatein Chalti Rahi
Kehne ko sab khatam ho gaya,
Phir bhi kuch baaki sa raha,
Jaise zindagi ruk si gayi ho,
Par saansein chalti rahi,
Sunane ko kahani abhi baaki thi,
Magar lafz kahin ruk gaye,
Bus baatein chalti rahi.
Lamha Dobara Jee Nahi Sakte
Samandar bhara hai paani se,
Par use pee nahi sakte.
Aasmaan mein anginat taare hain,
Unhe chhoo nahi sakte.
Jo tere naseeb ka hai,
Woh mil jaayega tujhe.
Pareshan na raha kar in baaton se,
Jo lamha guzar gaya toh phir,
Use dobara jee nahi sakte.
Kuch Panne Kora Hai
Badnam na karo uske naam ko,
Jis naam se maine mera naam joda hai,
Rahi hongi uski bhi kuch mazburi,
Tabhi to berahmi se dil toda hai,
Thoda nahi beintaha tha pyar mera,
Jo adhoora hai,
sliye zindagi ki kitab ka wo panna,
Aaj bhi kora hai.
Adhuri Kahani
Jo poori na ho saki,
Wo adhuri kahani hi sahi,
Marham na mila toh,
Zakhmon ki nishani hi sahi.
Jahan likha tha naam tera,
Use mitaun kaise,
Jo dil de diya ek baar,
Use bhoolun kaise.
Mana Ki Tu Jaa Chuki Hai
Mana ki tu jaa chuki hai,
Maan liya ki kuch tha hi nahi,
Phir kyon bhooji rakh se uthta hai dhoowa,
Jaise adhuri rah gai ho koi dua.
Phir Wahi Sham
Phir wahi sham hai,
Haantho mein jaam hai,
Kaise samjhaun kambakht dil ko,
Juban pe sirf tera naam hai.
Beete lamhe kabhi wapas nahi aate, lekin unki yaadein aksar bina dastak diye laut aati hain. Kuch kahaniyan mukammal nahi hoti, kuch sawalon ke jawab nahi milte, aur kuch naam umr bhar dil ke pannon par likhe reh jaate hain. Shayad isi liye guzra hua waqt door hokar bhi humare itna kareeb rehta hai.
